portriats

Anartist

Aguy

التاج مش هيعدي عليا بالساهل

كده يا مني تلبسي التاج لوحدك طيب مش تديني حته منه ولا فرفوته ولا ألمازايه منه اتقمع بيها مش مشكله كله بيعدي

بس ربنا يستر عليهم في البيت عندي وعندك شكلنا هنتشال في يوم واحد بس هيكون عزائي الوحيد اني هلاقي زميله في التخشيبه نبقي نرسم ونكتب حاجات للبلوج مع بعض هناك ونبقي ننزلها لما نخرج او الاحفاد ينزلوها لو محدش عبرنا!!!!!!!!!!!!!!!!!!!!!!!

السؤال الاول : ونسمع صوت رعد وبرق مع صفير حاااااااااااااااااااااد في السما دا السحاب بيصفرلي

ولو مكنتش مصرى بس عربى كانت هتبقى نظرتك للمصريين و اللى بيحصل فى مصر دلوقتى؟

بصو بقي ومني غير لف ولا دوران انا بحب مصر وبموت فيها يعني سواء عربي ولا مصري مقدرش اشتم فيها

بس المشكله ان فيه حاجات تخليك تطلع عن شعورك وتقوووووووول يااااااااارب

دي منظر بلد كانت بلد فرعوني بلد فيها خير بلد حضارات بلد اقوي جيش

بلد بلدبلد

الرد بكل سهوله لان احنا شعب متكاسل صحيح في غلط علي الحكومه بس في برضو غلط علينا يعني فيها ايه لو بدانا بنفسنا بدل منطفش منها وندور علي شغل بره ونمسح ونكنس بره منمسح ونكنس فيها نجمل فيها نزرع شجره فيها يمكن الحكومه لو شافتنا كده تتشجع وتساعدنا البلد فيها مواطنين بعدد مهول دول كلهم واقفين يقولو الحكومه المفروض تعمل وتعمل طب متبتدو بنفسكم ال معاه فلوس يعمل مشروع يساعد الفقير والفقير يحاول يكون عنده ضمير نعيش بحب وتضامن ونضمن السلام والامان

السؤال التاني: موسيقي تاتي من مكان بعيد هادئه ثم يعلو صوتها تدريجيا

لو كنت اوربى او غير مسلم هتبقى ايه نظرتك للعرب و المسلميين؟

نفس النظره ال بيبصها كل الغرب علينا بعين حاقده ناس عندهم حضاره لو في ايدينا لكنا عملنا بيها عمايل ولعبنا بالفلوس لعب يدي الحلق

وكمان هحس انهم ارهاب ماشاء الله علي الاعلام الغربي قايم بدور فظيع

دا غير ان لو حد عربي سالني تخيل عربي هقولهم واحد لابس جلبيه وماشي بجمل

وعايش في خيمه وبيربي معيييييييز

ونعم التخيل طبعا

كفايه بهدله بقا

بس دا بجد الغرب فاكرنا متخلفين شفتوا بقا

السؤال ثالث مفيش موسيقي خالص

لو قالوا لك انك بقيت رئيس جمهوريه هتعمل ايه ؟

ممممممممممممم

اولا هيغمن عليا من الخضه

وهجري الي ما لا نهايه

مش من الفرحه والله رئيس الجمهوريه دا اصلا مش عرفه بينام ازاي دا ربنا يكون في عونه دا انا رئيسه جمهوريه نفسي وكل لما افكر في الاخره اتخيل نار مولعه ومشعلله بتاكل فيا

تخيل رئيس الجمهوريه ربنا معااااااااااااااااه

بلاش تخيلات بقا

السؤال الرابع سمعه صوت اغنيه من بعيد ايوه ايوه بدات الرؤيه توضح بتقول كلمتها طلع البدر علينا

لوسمح لك برؤيه الرسول تقوللو ايه في كلمه واحده؟

يارب تكون شفيعي يوم القيامه

السؤال الخامس مش عرفه ليه سمعه صوت ارجل كتير بتجري وبتضرب بقوه في الارض دي احصنه

لو كنا فى عصر ازدهار الاندلس كنت تتخيل نفسك ازاى ؟

انا اطلب مساعده صديق من العصر الاندلسي ال قعدين فوق احصنتهم دول حد يترجل من فوق حصان ويكون جدع

محدش معبرني

كنت هتخيل نفسي فارس مغوار يركب الخيل ويروضهم في عصر حاااااااار من اي يوم اندلسي حر برضو دا

في سهوله ويسر دا علي اساس انها مساويه للعجله اليومين دول

وبليل بتدرب شويه بالسيف بتاعي الحاد طبعا مع بعض الاصدقاء علي اساس انها عصايه مقشه مبتعورش

وهمسك الاسهم بعد كده اتدرب بيها دي بقا شبه النبله بالظبط

وبعدين هروح اكلي شويه خروف مشوي دا فاتح شهيه

كفايه بقا علشان شكلي هعيش الدور بجد

السؤال السادس

لو خطبت او اتخطبتى لواحد و اثناء الخطبة اكتشفت او اكتشفتى ان الطرف الاخر غير قادر على الانجاب هيكون ايه تصرفك؟

ليه بس السؤال ده فال الله ولا فلكم بس بصراحه انا مش عرفه ارد ومحتاجه احزف اجبتي

السؤال السابع

لو طلعت القمر تكتب ايه ؟

همسح ايميل ونمره موبيل( مني

:p

السؤال الثامن

لو مررت التاج لحد ومجاوبش هتعمل ايه ؟

ولا حاجه براحته نحن نعمل علي راحه الجمهور

السؤال التاسع

تمرر التاج لمين ؟

اي حد عايز التاج يا جماعه ألاأونه الاتريه

ما علينا محدش رد

اي حد عايز يخده يخده فهو ملك للجميع

مقدمه لسيادتكم

:) دينا

انا لبست التاج يا جدعان

انا عارفه ان موضوع البلوج فني بحت يعني مالوش دعوه بالسياسه خالص(ولو ان السياسه فن)بس نوع تاني بعيد خالص عن اللي بنقدمه في البلوج..اللي عايزه اقوله اني انا لبست (التاج)ده واللي لبسهوني حد عزيز على قوي يعني عشان خاطر عيونها بس...بس لو لاقيت باب الشقه بيتهبد الساعه تلاته بالليل وخير اللهم اجعله خير لاقيت ناس لابسه اسود في اسود وعايزين ياخدوني اول اسم هانقطه هيكون اسم الغاليه دي...معلش ياغاليه..المهم معا نستفتح التاج ..هاه يا معين ونقول بسم الله الرحمن الرحيم
وعندك أول سؤال:لو مكنتش مصرى بس عربى كانت هتبقى نظرتك للمصريين و اللى بيحصل فى مصر دلوقتى ؟
والله انا هاحاول اخليها حياديه قدر الامكان..بس مع اني انا مصريه اهه بس باقول ان احنا اللي جبنا ده كله لنفسنا.وكتير افضل اسال (نفسي طبعا)لو لم اكن مصريا لوددت ان اكون ايه؟كل واحد في سره بقي
لو كنت اوربى او غير مسلم هتبقى ايه نظرتك للعرب و المسلميين؟
اولا ماحبش اكون اوروبيه والحمدلله اني مسلمه ..بس في حاله اني كنت غير كده بردو نظرتي هتكون حياديه بمعني اني هاعتبرهم شعب زي اي شعب.. ليهم ثقافتهم الخاصه وليهم دينهم الخاص وعقائدهم الخاصه بيهم ..يعني حريه كامله لايحق لاي شخص انه يتعدي عليهاولابد ان يتقبلهم المجتمع الاخر بما هو عليه بلا احتقار بلا اتهامات باطله.بدون اهانات للدين..وان زي مافيه البتنجان فيه المانجا..يعني زي مافيه الوحش فيه الحلو
لو قالوا لك انك بقيت رئيس جمهوريه هتعمل ايه ؟
بصراحه والله عمري مااتمنيت الامنيه دي ولا في حياتي هاتمناها..انا ماعرفش الرؤساء دول بيعرفو ينامو ازاي بالليل وهم مرتاحين!!!!بس لو بقيت صدقوني هتدعولي مش هتدعو على..
لوسمح لك برؤيه الرسول تقوللو ايه في كلمه واحده؟
قصرت..ونفسي تدعيلي بالمغفره
لو كنا فى عصر ازدهار الاندلس كنت تتخيل نفسك ازاى ؟
بصراحه مع اني بنت(يعني المفروض يكون ولد عايش في دور هارون الرشيد وكده) بس علطول باتخيل نفسي قاعده على شيزلونج اندلسي وقاعده جمبي واحده اندلسيه ماسكه مقشه والا مروحه ريش بردو باين وعماله تهوي على مع ان الدنيا سقعه اليومين دول والحته المهمه قوي اني لابسه جواهر وسلاسل ذهب كتيره لدرجه اني مش عارفه اخد نفسي والا الاساور مش عارفه ارفع ذراعي من كترهم..وطبعا البخور وياسلام لو عشر جواري حاوالايه عاملين يرقصو ويعملو حاجات جامده كده..ياسلام ..خيال مريض عارفه بس هي دي الحقيقه وبعدين كله من الاعلام بتاعنا..ربنا يسامحهم
لو خطبت او اتخطبتى لواحد و اثناء الخطبة اكتشفت او اكتشفتى ان الطرف الاخر غير قادر على الانجاب هيكون ايه تصرفك؟
بصراحه كل موقف وليه ظروفه ومش عشان باحبه بس اوافق على موقف زي ده.اولا دي تضحيه كبيره قوي قوي قوي وللاسف اليومين دول مش كتير اللي يستاهلو ان الواحد يضحي عشانهم..فلو هو طلع يستاهل التضحيه اكيد هاضحي..لان عندي ثقه في الله كبيره ان ربنا بيعوض
لو طلعت القمر تكتب ايه ؟
والله اليابان بقالها مده بتبيع في اراضي في القمر فلو لاقيت حته لسه ماتباعتش..هاكتب فيها هاي يا جماعه انا جيت اهه ووهاسيب الايميل ونمره الموبايل وعلى رنات بقي..
لو مررت التاج لحد ومجاوبش هتعمل ايه ؟
ولا حاجه ياباشا دي حريه شخصيه تاااااااااامه..
تمرر التاج لمين ؟
ده بقي اصعب سؤال لان فعلا ماعنديش حد امررله التاج على الاقل الفتره الحاليه..شويه كده هانشوف

posted by:MONA

ورقه باليه

امسكت ورقه وقلم هممت بالكتابه سطرت بعض الاشياء

مر الوقت بسرعه لم اشعر به تركت ما كتبت وخرجت

*

*

*

عدت

لم اكن اريد الخروج منذ بدء الامر

امسكت اوراقي ثم تركتها احضرت كوب الشاي المفضل مع بعض البسكويت

جلست بجانب الشرفه انظر إلي القمر وانا أحتسي الشاي واأمضغ بعض من البسكويت

أنه هذا النوع الذي أفضله دائما مقرمش بطعم القرفه

لذيذ

**

عدت إلي مكتبي وهممت بوضع الورق بداخل المكتب فلقد تأخر الوقت كثيرا

وحان موعد نومي

ثم وجدت ورقه ملفوفه بطريقه تلفت النظر غريبه هيا

ليس لفتها ولكنها باليه لدرجه أخشي أن تتمزق بيدي

أخدتها برفق وفتحتها لاجد ما كتب بداخلها الأتي

*******

عندما تقرأ هذه الورقه سنكون قد

إفترقنا

تذكرني دائما ولا تنساني

هناك بعض الاوراق وضعتها لك خصيصا إنها من النوع الذي تفضله من الورود

الفل

من تلك الشجره التي مرحنا تحتها كثيرا

أحببت ان تكون هذه هيا عيد ميلادك الأخير

الذي قضيته معي تحت تلك الشجره

صديقك المخلص

****************

قفلت الورقه بيدي وحضنتها نعم أتذكر هذا اليوم بشده

عندما أتي إلي مهرولا وأعطاني إياها وهو يبكي

كان صديق مقرب لنفسي وكأنه أخ

********

أتذكر عندما ذهبت إليه لأخبره إننا

سنهاجر إلي بلد أجنبي

فلقد جاء لوالدي فرصه عمل رائعه

يومها أخذني بين أحضانه وسالت دموعه

وقال لي لن أنساك ستتذكرني قلت نعم

وتركته وعدت إلي البيت

وكان هذا قبل إسبوع من السفر

كنا مشغولين لدرجه أنني نسيت ان أودعه

ثم جاء يوم الرحيل أردت ان اذهب لاودعه لكن ابي رفض بشده فلقد جاءت العربه لتحمل أغراضنا

لنذهب إلي القطار

مررت بالطريق بتلك الشجره التي ذكرها وسالت دموعي

ثم وصلنا إلي القطار وركبنا

والدموع تحاول الفرار خارج عيني

ثم سمعت صوت يناديني من الخارج

نعم هوا خرجت إليه والقطار بدأ يتحرك أعطاني تلك اللفافه وطلب مني الأحتفاظ بها

***************

ذكريات رائعه حقا

تري أين صديقي الأن

*******************************
المنظر الأخير شاب يقف تحت شجره الفل ويبتسم

دينا

الله أكبر الله أكبر بعدسه : دينا عبد السلام

الله أكبر الله أكبر ALLAH akbar